السبت، 10 مايو 2008
أول السلم
بعد ما غلبت من الشغل دعيت ربي .. يا رب ارزقني بالسفر ، وخدت بالاسباب ورحت قدمت في كل المكاتب اللي في وسط البلد واحد واحد واسيب ابلكشن عند ده واسيب اوراقي عنده .. لحد في يوم وانا في المدرسة وجاني تليفون مكتب الشاطبي في أحمد عرابي عا يزك تعمل مقابلة وبيني وبينك ما كدبتش خبر ورحت المقابلة .. ادونا شويت ورق ماليهم لزمة ترجم الورقتين دول ومدة الاختبار نص ساعة وانا هاتك يا ترجمة وترجمت واديت صاحب المكتب الورق ومشيت وبعد يومين يا مؤمن جاني تليفون أستاذ .... انت عندك استعداد للسفر ردت وكل نشوه ايوه طبعاً بس انت ممكن تسافر ولكن مش بمهنة مترجم . .. امال بمهنة ايه يا .. قلت بمهنة .... قلت أوكي ... انا طول عمري حاسس ان في حاجات حلوه هتحصلي رغم الايام الطــــــــــــــــــــــــويلة واللي عاملها زي الليله السوده .. أول حاجه خدت اجازة من المدرسة ومسكت الباب ويا فكيك خلينا نشوف السعودية ديه فيها ايها ... اكيد هتكون احسن من الشغل هنا وخلصت الورق وسافرت ولكن ما لم يكن متوقع حدث عما كان يدور في خيالي وتصوراتي ... نكمل بعدين
الاشتراك في:
تعليقات الرسالة (Atom)
ليست هناك تعليقات:
إرسال تعليق