بعد ما انشغلت بالكتابة والقراءة اليومين دول ،، علشان أنا حاسس ومش عارف ليه المفروض اطلع كاتب مش اطلع اي حاجه تانية والناس تقرأ ما اكتبه مع أن ابن منظور صاحب لسان العرب لو قراء لي شئ لن يستريح في تربته بسبب لغتي العربية التائه في عالم لا يبحث عن اللغة مع اني احيانا افضل كتابة بعض الموضوعات بالانجليزية علشان بلاقي فيها flux of emotions تدفق للمشاعر ويمكن ده وراه حاجه ... علشان زمان لما كنت في المدرسة زرني مشرف اللغة الانجليزية بالمنطقة التعليمية ونبهى علينا مدرس المحاسبة اللي كان بيدرسنا انجليزي اننا نلتزم ونحاول نشارك
ولما جيه حضرته شاور على السبورة وقال بلغة الخوجات كده point ot the black board واحلفلك ان دي اول مره اسمع الكلمة دي في حياتي ... ولما سالتي كيف حالك ردت فين ثانك يوم فالمدرس قالي انت بترد والا اللي ابوه خواجه ... حبيت اللغة ومن ساعته صحيح فتحت عيوني على حاجات كتير وقرأت لناس ما كنتش اتوقع اني ممكن اقراء لهم على الاطلاق .. حبيت دراما شكسبير وعشقت الشعر الانجليزي ... بس كل مره اشعر بدافع داخلي أني لازم اكتب موضوع متميز ومازال الدافع موجود .. يخيلي احياناً أني كاتب وان الاستاذ أحمد المسلماني اللي انا بموت في اسلوبة الساخر والاستاذ عادل حموده اللي اعتدت اقراء موضوعه الاسبوعي زمان في الاهرام ولا الاستاذ هيكل اللي لما بيتكلم بأستغرب هو فاكر الكلام ده كله الزاي مع توثيق حصيف ودقيق وغريب للموضوعات لما يقرأ لي هيكتب مباشرة مقال عن انهيار مستقبل الكتابة بين جيل الشباب اللي زي .
ما عرفش انه ليه طموحي زايد قوي وبقي اوفر ... صحيح لما كنت في مصر ،،، كنت اقرب إلى الموت من الحياة بس كنت مستمتع بحياتي ولما سفرت بقيت اقرب الى الحياه من الموت والله اعلم بس ما في متعه في شئ .. وأتسأل هل احنا خلقنا لنعمل فقط ونجمع بعض المال لينفقه الورثة في يوم من الايام .. اما ماذا
صحيح اظن اني متابع لما يعرض ويكتب على الساحة الاعلامية سواء في التليفزيون او الانترنت واشعر ببريق أمل لما يجي موضوع يناقش الاصلاح ويحاول يحل مشاكل الموطن ..
اصحيح ان احيانا بيجيني اكتئاب من برنامج العاشره مساء اللي بيعري الواقع ويكشفه على استحياء
صحيح ان بنظن ان حكومة نظيف هتنظف البلد اكتر من كده
صحيح أن لما بشوف شباب مصر في الاعلام بفرح وبقرأ في المدونات بشعر اني في عالم اخر
صحيح ان شاعر ان الانترنت والوصلة هم وصله بالروح ومن غيرهم واقع الحياة كئيب
صحيح بنتشى فرحا لما بقرا موضوعات قمة الجمال والخيال والاسلوب والرقي لشباب مثلي
صحيح اني قررت ما اعزلش نفسي عن المجتمع واشارك فيه بكل ما أملك
الاشتراك في:
تعليقات الرسالة (Atom)
ليست هناك تعليقات:
إرسال تعليق